Lettura

Ogettivi :
Esse capace di fà a sintesi di u racontu.

Materiale :
E fiure di u racontu.

Sbucinera :
Prima tappa :
E fiure sò appiccate à u tavulone. U maestru dumanda à i zitelli qualesse sò e fiure chì si ponu caccià senza impedisce a capiscera di u filu di u racontu. Nasce u cuntrastu. (U maestru ritenerà, per un dettu, e fiure 2, 4, 6, 10 è 13.)

Siconda tappa :
Custruzzione di u riassuntu ( Travagliu cullettivu, à bocca.)
U maestru riparte da e cinque fiure scelte. Si ritrovenu e frase-chjave. S’aghjustanu forse e leie.
Fiura 2 : « A mamma di Cappuccinella Rossa li porghje un vasettu di butiru ch’ella deve purtà à a mammone chì stà di l’altra parte di a furesta. Hà dinò un biscottu nentru à u so spurtellu. »
Quandu chì u riassuntu di a prima fiura hè stabbilitu, u maestru u face ripete di modu cullettivu pò individuale. Ferà di listessu pè ogni parte di u riassuntu pò pè u riassuntu sanu.
Fiura 4 : « À meza furesta, Cappuccinella Rossa scontra u lupu chì li prupone di fà una corsa sin’à a casa di a mammone. »
Fiura 6 : « Ghjunghje u primu, u lupu, in casa di a mammone. Si face passà pè Cappuccinella Rossa. Entre è s’ingolle a mammone. »
Fiura 10 : « U lupu si ficca in u lettu di a mammone. Affacca Cappuccinella Rossa chì si stona di l’ochji, di e bracce è di i denti di quella mammone. U lupu a s’ingolle sana sana. »
Fiura 13 : « Ancu di grazia ch’ellu affacca un cacciadore chì tomba u lupu è salva à Cappuccinella Rossa è a mammone. »

À un antru mumentu, u maestru pruponerà a lettura di u riassuntu ch’ellu averà scrittu à u tavulone. (Lettura cullettiva pò individuale.)

Riassuntu

Riassuntu