Arte plastiche

Ogettivu :
 Sprimesi cù i culori.

Materiale :
Una copia adattata di l’illustrazione di Gustave Doré. Gustave Doré hè cunnisciutu assai per l’incizione chì illustreghjanu e fole di Charles Perrault.
U maestru po ingrandà a fiura per fanne un affissu pè a pezza di teatru...

Sbucinera :
U maestru distribuisce una copia di u disegnu. Face parlà i zitelli nantu à a fiura è li prupone di culurisce u disegnu. Parechje cunsigne ponu esse pruposte :
 Varià e tecniche.
 Prupone una scelta di culori.
 Travaglià cù e mine nere.
 Aduprà e linee...

I zitelli sceglienu una manera di culurisce u disegnu. I disegni compii puderanu esse appiccati tutti inseme da fannu un’affrescu.

Sò prisentate quì sottu l’incizione originale di Gustave Doré, po una fiura di l’incizione da fà culurisce da i zitelli è infine dui esempii di culuritura.