Ogettivu :
Acquistà u lessicu di u racontu

Materiale :
Disegni chì raprisentanu e parolle da studià. Sti disegni puderanu esse incullati nant’à a carta di Bristol o plastificati da pudè esse manighjati.

Sbucinera
 Travagliu cullettivu :
U maestru face vede un disegnu è dumanda à i zitelli di dì a parolla chì currisponde. S’elli ùn la cunnoscenu micca, ghjè u maestru chì a dice. Ogni parolla serà ripetuta di modu cullettivu po individuale.
Si pruponenu dopu ghjochi da fà mimurizà u lessicu :
 Ghjocu di Kim : si face vede una seria di disegni da falli mimurizà à i zitelli po si piatta unu di sti disegni. I zitelli devenu truvà quale chì manca.
 A china maghjina.
 Ghjocu di memorì

Rimarca :
 A quantità di parolle acquistate in una seanza hè funzione di u nivellu di i zitelli. Per indettu, à u ciculu I da 4 à 6 parolle, à u ciculu II da 6 à 10 è à u ciculu III da 10 à 15.

Travagliu individuale : (da vede a fiscia di u sculare)

Ogettivu :
 Acquistà parolle di u campu lessicale di i panni.

Materiale :
 Disegni chì raprisentanu i panni : a maglietta, a maglia, a camisgia, a vesta, u mantellu, i calzolni, a rota, u vestitu, e calze, i scarpi, e botte, u cappellu, a scufia, a baretta, a sciarpa, i guanti.
Sti disegni puderanu esse incullati nant’à a carta di Bristol o plastificati da pudè esse manighjati.

Sbucinera
 Travagliu cullettivu : da vede a fiscia nant’à u lessicu di u racontu (listessa dimarchja)
 Travagliu inidividuale :
U maestru face un dittatu di 10 parolle : « Numaru 1 : a vesta » / « Numaru 2 : u cappellu » /...
U zitellu scrive u numeru dananzu à u disegnu chì riprisenta a parolla (da vede a fiscia di u sculare).