Lessicu di u racontu

Ogettivu :
Aquistà un lessicu specificu : quellu di a famiglia.

Materiale :
u disegnu di Cappuccinella Rossa, di a mamma, di a mammone
quatru di l’arburu genealogicu.

Sbucinera :
prima tappa :

U maestru face vede i trè disegni è dumanda à i zitelli qualessa hè a leia trà i trè persunagi.
Scrive dopu à u tavulone.
 Cappuccinella Rossa -a mamma-a mammone.

U maestru dopu face truvà l’altre parolle di l’arburu genealogicu vale à dì : u babbu, u babbone (o u caccaru, o u missiavu) u fratellu, a surella, u ziu, a zia, u cuginu, a cugina.

Seconda tappa
A si prova dopu u maestru à raprisentà à u tavulone l’arburu genealogicu generale.

Terza tappa
I zitelli riempienu l’arburu genealogicu generale (u maestru hà distribuitu un quatru viotu)
Cù listessu quatru viotu, ogni zitellu ferà u so arburu genealogicu persunale (forse cù l’aiutu di i parenti).