Publicatu : 12 janvier 2007

Spressione è cumunicazione pè u ciculu 2 : i cuntrasti

Spressione è cumunicazione

I CUNTRASTI

Nivellu : Ciculi 1, 2 è 3 Ogettivi :
- Purtà i zitelli à avè una spressione linda
- Favurizà a memurizazione da permette di rinvestisce strutture è lessicu Materiale * E fiure chì currispondenu à i cuntrasti pruposti. Sbucinera Tappa 1 : U maestru prupone a fiura chì currisponde à u cuntrastu sceltu. (esempiu : a fiura 2 currisponde à u cuntrastu trà Cappuccinella Rossa è a mamma). U maestru prupone e frase di u cuntrastu di modu teatrinu. Ripiglia dopu ogni frasa è a face ripete di manera cullettiva po individuale.

Tappa 2 : U maestru sceglie dui zitelli per falli dì a scenetta (si pò ghjuvà u maestru di mariunette à u ciculu 1)

Fiure Ciculu II
2 A MAMMA : Tè, o Cappuccinè, piglia issu biscottu.
CAPPUCCINELLA ROSSA : U mettu in a mo sporta.
A MAMMA : Tè, Piglia dinò issu vasettu di butiru.
CAPPUCCINELLA ROSSA : U mettu anch’ellu in a mo sporta.
A MAMMA : Avà, Vai inde Mammone, chì hè malata.
CAPPUCCINELLA ROSSA : Ié, li portu u biscottu è u vasettu di butiru. Avvedeci, o Mà.
4 U LUPU : Salute ! Cumu ti chjami ?
CAPPUCCINELLA ROSSA : Salute ! Mi chjamu Cappuccinella Rossa.
U LUPU : Chì ci hè in a to sporta ?
CAPPUCCINELLA ROSSA : Un biscottu è un vasettu di butiru.
U LUPU : Induve vai ?
CAPPUCCINELLA ROSSA : Vò inde Mammò, chì hè malata !
U LUPU : Induve stà a to mammone ?
CAPPUCCINELLA ROSSA : Stà in fondu di a furesta.
U LUPU : Femu una corsa ?
6 U LUPU : Tocchi ! Tocchi !
A MAMMONE : Quale hè ?
U LUPU : Sò eiu, Cappuccinella Rossa !
A MAMMONE : Tira a funicella, a vulella cascherà è a porta s’aprerà.
10 CAPPUCCINELLA ROSSA : Tamanti ochji chè vo avete, o mammò !
U LUPU : Hè per vedeti megliu, o figliulè !
CAPPUCCINELLA ROSSA : Tamante arechje chè vo avete, o mammò !
U LUPU : Hè per senteti megliu, o figliulè !
CAPPUCCINELLA ROSSA : Tamanti bracce chè vo avete, o mammò !
U LUPU : Hè per abbracciàti megliu, o figliulè !
CAPPUCCINELLA ROSSA : Tamanti denti chè vo avete, o mammò !
U LUPU : Hè per manghjàti megliu !!!
Word - 33 ko
Spressione è cumunicazione ciculu 2
PDF - 6.8 ko
Spressione è cumunicazione ciculu 2