Publicatu : 12 janvier 2007

Spressione è cumunicazione pè ciculu 1 :i cuntrasti

Ciculi 1, 2 è 3

Spressione è cumunicazione

I CUNTRASTI

Nivellu : Ciculi 1, 2 è 3

Ogettivi :
- Purtà i zitelli à avè una spressione linda
- Favurizà a memurizazione da permette di rinvestisce strutture è lessicu

Materiale :
- E fiure chì currispondenu à i cuntrasti pruposti.

Sbucinera :
- 1a tappa :

U maestru prupone a fiura chì currisponde à u cuntrastu sceltu. (esempiu : a fiura 2 currisponde à u cuntrastu trà Cappuccinella Rossa è a mamma).
U maestru prupone e frase di u cuntrastu di modu teatrinu.
Ripiglia dopu ogni frasa è a face ripete di manera cullettiva po individuale.

2a tappa :

U maestru sceglie dui zitelli per falli dì a scenetta (si pò ghjuvà u maestru di mariunette à u ciculu 1)

Tavulelli di i cuntrasti

Fiure Ciculu I
2 Cuntrastu GS
A MAMMA (davanti à a casa, a mamma chjama) : «  O Cappuccinè induve sì ?
CAPPUCCINELLA ROSSA (risponde) : « Sò quì, mi ghjocu fora, chì voli o mà ?
A MAMMA : Mammone hè malata, portali stu spurtellu.
CAPPUCCINELLA ROSSA : Partu subitu o mà.
A MAMMA : Attenti à u lupu in furesta ! Ùn ti piantà ! Fila a to strada !
CAPPUCCINELLA ROSSA : Hè detta o mà !
10 Cuntrastu PS MS
CAPPUCCINELLA ROSSA : « Tamant’ochji chè t’ai ! »
U LUPU (maestru) :« Hè per vedeti megliu a mo figliulella »
CAPPUCCINELLA ROSSA : « Tamant’arechje chè t’ai ! »
U LUPU (maestru) :« Hè per senteti megliu a mo figliulina »
CAPPUCCINELLA ROSSA : « Tamante bracce chè t’ai ! »
U LUPU (maestru) :« Hè per abbracciatti megliu a mo figliulina »
CAPPUCCINELLA ROSSA : « Tamanti denti chè t’ai ! »
U LUPU (maestru) :« Hè per manghjatti meeeeeeeeeeeeeeeegliu a mo figliulina ! »
Word - 31.5 ko
Spressione è cumunicazione ciculu 1.
PDF - 6.4 ko
Spressione è cumunicazione ciculu 1.