Ogettivi :
 sapè u nome d’unepochi di frutti è lecumi
 sapè fà a scelta trà frutti è lecumi

Consiglii :
si tratterà capunanzu di u manghjà cù e nuzioni di ripastu è di sfarenti gusti (salitu, dolce, .)

Materiale :
veri frutti è lecumi o ghjoculi chì rapresentanu frutti è lecumi.

Sbucinera :
1ma seenza :
u maestru mostra un F o un L. i zitelli dicenu u so nome s’elli u sanu o sinò u maestru u dice è u face ripete cullettivamente è individualamente. Face listessa per ogni F o L. (pò piglià più d’una seenza ma ùn vole dì).

2da seenza :
u maestru dumanda cumu si pò fà pè spicca F è L. Cumu si pò sapè s’elli sò frutti o lecumi... i zitelli provanu à risponde... s’ellu ci n’hè unu chì a sà và bè, o sinò, aiutendusi di i sbaglii di i zitelli, u maestru custruisce a nuzione.
In fine, si dice cumu si ponu spiccà frutti è lecumi : u fruttu si manghja piuttostu in fine di ripastu, senza esse cucinatu. U lecumu hè guasi sempre cucinatu è ùn si manghja mai per compie u ripastu. si riface un (o parechji) giru di i zitelli mustrenduli sia un fruttu sia un lecumu pè assicurassi di a capiscitura.

NB. À i ciculu 1, ùn si dice micca chì assai lecumi sò in fatti frutti d’un puntu di vista biulogicu (merzana , zucchinu, pumata,ecc.)... si puderà spiecà più tardi à i ciculi II è III a sfarenza trà usu è biulugia.

Valutazione :
si dà a fiscia di u scularu ind’ellu hà da fà a scelta. (sta fiscia valuteghja di più a scelta chè u lessicu.
U maestru pò passà à vede i zitelli per fà uralizà di manera individuale e parolle mentre ch’elli rispondenu à a cunsigna.

Fiscia Frutti è lecumi

Fiscia frutti è lecumi