Ogettivi :
 sapè u nome d’unepochi d’animali di Corsica
 sapè fà a scelta trà mansu è salvaticu

Materiale :
 ritratti o ghjoculi chì rapresentanu animali

Sbucinera :
1ma seenza :
u maestru mostra un animale. I zitelli dicenu u so nome s’elli u sanu o sinò u maestru u dice è u face ripete cullettivamente è individualamente.
Face listessa per ogni animale. (pò piglià più d’una seenza ma ùn vole dì).

2da seenza :
u maestru dumanda cumu si pò fà pè spicca mansi è salvatichi. Cumu si pò sapè s’elli sò mansi o salvatichi l’animali... i zitelli provanu à risponde...
« À chì dice chè l’animali salvatichi sò gattivi, à chì dice chè i mansi stanu in casa... »
Aiutendusi di i sbagli di i zitelli è di a so sperienza di u paese u maestru custruisce a nuzione. Ci vole à fà casu ch’in Corsica, à spessu a fruntiera pò esse minuta trà salvatichi è mansi.
In fine, si dice cumu si ponu spiccà M è S : l’animale mansu hà sempre, à un mumentu datu, bisognu di l’omu sia pè manghjà, sia pè dorme, u salvaticu innò.
Si pò fà dinù rimercà chì l’animali mansi, à spessu à spessu, ghjovanu à calcosa : latte, carne, trasporti, caccia...ùn hè tantu chì no tenimu l’animali cusì, puru s’elli ùn ghjovanu à nunda.
Si riface un giru (o parechji) di i zitelli mustrenduli sia un animale mansu sia un animale salvaticu pè assicurassi di a capiscitura.

NB. pè i zitelli di cità, l’animali mansi sò guasi sempre cani è ghjatti. Si pò fà capunenzu una surtita ind’un paese vicinu pè fà vede à i zitelli chì ci sò l’animali mansi ancu for’di casa.

Valutazione : si dà a fiscia di u scularu ind’ellu hà da fà a scelta. (sta fiscia valuteghja di più a scelta chè u lessicu ma u maestru pò passà à vede i zitelli quand’elli a facenu pè falli dì u nome in corsu di u disegnu ch’ellu indizia.)

Animali mansi è salvatichi