Ogettivi :
 travaglià nantu à a struttura : induve vai ? vò ind’è mammò.
 Amparà à cunghjungà u verbiu andà à a prima persona di u singulare : vò.
 Creà una vera situazione di cumunicazione , à partesi da a fola di Cappuccinella rossa : u cuntrastu cù u lupu.
 Rinvestisce a nuzione amparata

Materiale :
 Fiure : Petru - Maria - babbone- u duttore- u dentistu- ziu Antone- zia santa- mamma- babbu-
 Tichetta cù a parolla : ind’è

Sbucinera
 A maestra dice a frasa di u cuntrastu ciculu 2 « scontru di u lupu è di Cappuccinella rossa in furesta », si pò ancu ghjocà cù e mariunette.
 Si ripiglia a struttura : induve vai ? vò ind’è mammò.
 A maestra dumanda à ogni zitellu di piglià una carta nentru à u spurtellu.
 E dopu ci vole à mostrà a carta à tuttu u mondu per assicurà u lessicu.
 A maestra principia u ghjocu : face a dumanda à un zitellu : « induve vai tù ? »
 U zitellu hà da risponde : « Eiu vò ind’è..... » impiechendu a parolla chì ghjè à nant’à a carta.
 Una volta chì u ghjocu hè capitu, i zitelli ponu ghjucà in trà di elli in attelli.

Allerghera pussibule :
Materiale :
Fiure : u paese - u fiume - u ponte- a cità - a furesta - a muntagna
Tichette cù : in / à / ù
Si po fà u listessu travagliu cù :
Induve vai ? vò in paese (Fiure : paese - cità - furesta -muntagna)
Induve vai ? vò à a scola ( Fiure : a scola- a funtana- u fiume- u mare) vò à u mare

Grammatica C1

Grammatica C1