Prisentazione di u racontu

Nivellu : Ciculu 1 , 2 è 3

Ogettivi :
 Entre in litteratura
 Stà à senta è capi un racontu
 Sprimesi nantu à un racontu

Materiale :
 U racontu dettu (si sceglie a versione più adatta di u racontu)
 Una seria di 14 fiure A3 in culore (illustrazione di Musiconte Le Petit Chaperon Rouge, Ed Nathan »)

Sbucinera :

Seanza 1 :

I zitelli so adduniti cù a maestra, à u calmu, in un attitutine favurevule per stà à sente. A maestra dice u racontu, sanu sanu, fendu vede e fiure chì currispondenu à i sfarenti mumenti.
S’elle ci sò reazzione spuntanee, a maestra e piglia in contu, ma spessu i zitelli volenu sente torna u racontu, è tandu, a maestra u dice una seconda volta.
Per via di dumande, aiuta i zitelli à dì ciò ch’elli anu capitu.
 « Di chì parla stu libru ? » 
 Stu libru parla di Cappuccinella Rossa.
 « Induve si passa ? » 
 Si passa ind’è a furesta.
 « Quandu ? »
 Tempi Fà / In tempi d’una volta
 « Qualessi sò i persunagi ? »
 Sò Cappuccinella Rossa, a so mamma, a so mammone, u lupu è u cacciadore

Seanza 2

A un antru mumentu, forse u lindumane, si rimettenu i zitelli in cuntattu cù u racontu per via di e fiure.
A ogni fiura prisentata, s’aiutanu i zitelli cù dumande per purtalli à cuntà a storia a modu soiu.

Eserciziu individuale : da vede fiscia di u scularu n°1. L’eserciziu prupostu sera currettu di modu cullettivu, mettendu e fiure in ordine a u tavulone.

Seanza 3

Si ripiglia u travagliu di a secoda seanza è per ogni fiura si custruiscre una frasa-chjave chì hè ripetuta di modu cullettivu è ancu individuale.
Ste frase seranu memurizate è ghjuveranu di puntellu per una mansa d’attività.
A maestra copia ste frase nant’à fogli chì sò incullate sott’à e fiure. (si pò fà a scelta di fa scrive e frase da i zitelli.)

Rimarca : a seconda è a terza seanza ponu esse rimpiazzate da un numaru più impurtante di seanze.

Nu di a fiura	Dumande / risposte	Frasa chjave
Fiura 1	- Chì si vede nant’à sta fiura ?  Si vedenu à a mamma è Cappuccinella.  Induve sò ?  Sò ind’ a furesta à cantu à a so casa.	Cappuccinella Rossa campa cù a so mamma in furesta.
Fiura 2	- Chì deve purtà Cappuccinella Rossa à Mammone ?  Un biscottu è un vasettu di butiru.  Chì face cume ricumendazione a mamma ?  Ùn ti piantà ! Fila a to strada !	A mamma dice : « porta stu biscottu è stu butiru à mammone ».
Fiura 3	- Chì face Cappuccinella Rossa ?  Pianta in furesta per coglie i fiori.  L’hà stata à sente à a so mamma ?  Innò.  chì s’hè piantata ?	Cappuccinella Rossa coglie i fiori per mammone.
Fiura 4	- À quale scontra Cappuccinella Rossa in furesta ?  A u lupu.  Chì li dice ?  Vò ind’è Mammone.	Cappuccinella Rossa scontra u lupu è li dice :« Vò à vede à Mammone ».
Fiura 5	- Chì vole mostrà u lupu à Cappuccinella Rossa ?  A strada.  Chì risponde Cappuccinella ?  Ricusa è cuntinueghja a so strada sola.	Cappuccinella ricusa di fà a strada cù u lupu.
Fiura 6	- quale hè chì ghjunghje u primu ind’è mammone ?  U lupu  Chì face ?  Si face passà per Cappuccinella Rossa ?  Chì dice Mammone ?  Li dice : “ Tira a funicella, a vulella cascherà è a porta s’aprerà !”	U lupu ghjunghje ind’è mammone è a si manghja sana sana.
Fiura 7	- Chì face u lupu ?  Si traveste cù i panni di mammone.	U lupu mette i panni di mammone.
Fiura 8	- Chì face u lupu ?  Si ficca ind’u lettu di mammone.	U lupu si chjina ind’u lettu di mammone.
Fiura 9	- Quale hè chì ghjunghje dopu ?  Cappuccinella Rossa.	Pocu tempu dopu, ghjunghje Cappuccinella Rossa.
Fiura 10	- qualessi sò i parsunagi di a fiura ?  U lupu travestutu è Cappuccinella Rossa.  Chì li dice Cappuccinella Rossa à a so mammone ?  Tamant’ochji chè tu ai !	Cappuccinella Rossa trova a so mammone strana.
Fiura 11	- Chì trova di stranu torna ?  E bracce, i denti.	O mammò, tamante bracce è tamanti denti chè tu ai !
Fiura 12	- ch’hà fattu u lupu ?  S’hà manghjatu à Cappuccinella Rossa è si face una siesta.  Quale hè ch’affacca ?  U cacciadore cù u so fucile.	U lupu hà manghjatu à Cappuccinella Rossa è ghjunghje u cacciadore.
Fiura 13	- Chì face u cacciadore ?  Sciacca una fucilata à u lupu è u tomba.	U cacciadore tomba u lupu.
Fiura 14	- Qualessi sò i parsunagi ?  U lupu, u cacciadore, mammone è Cappuccinella Rossa.  Chì facenu ?  Facenu a festa.	Facenu un vesperinu tutti inseme.

Lessicu

Ogettivu :
 Acquistà e parolle di u racontu

Presentazione di u racontu

Presentazione di u racontu

Presentazione di u racontu 2

Presentazione di u racontu 2