Di vaghjime a furesta di Vizzavona hè in festa. Sottù à e large è i fai millaie di funghi spuntanu cum’è i buletri, i liccini, i ghjallistorzi, i turchini, i falsi buletri è tanti altri.
Un bellu ghjornu affaca un omu chjamatu Taviu. Ghjunghje à coglie tutti i funghi di a furesta pè vendeli à u marcatu d’Aiacciu.
Una notte, i funghi addisperati s’aduniscenu in piena furesta. « O tinti di noi, c’emu dà passà tutti ! » A ghjira li pruponne d’andà à chere aiutu à a Signora di a furesta.
A Signora di a furesta campa cù u so canucciu ind’una casuccia in piena furesta. Cunnosce tutte e piante è tutti l’animali. Prumette à i funghi d’aiutali.
Và à truvà à Taviu chì si manghja una frittata. Li dumanda di risparà i funghi, ma Taviu face arechje di marcante.
Taviu cuntinueghja à coglie i funghi à sportellate piene. Un ghjornu casca nant’à una mansa di buletri è i coglie tutti ancu i più chjuchi.
Ghjuntu in casa soie, piglia une frissoghja è si face tamanta frittata è à si sciacca sana sana.
In piena notte, li vene a pena in corpu di quelle. _ Impauritu pensa ch’ellu s’hè avvilinatu è chjama à u succorsu a Signora di a furesta.
A Signora di a furesta capisce subitu chì Taviu hà un indigestione. Invece di guariscelu subitu, li face prumette nanzu di ùn sterpà più i funghi. Taviu prumette. Tandu a Signora li face beie una tisana d’arbigliule chì u risana. Taviu tene a so prumessa è volta in cità. Tandu a Signora di a furesta, u so canucciu, tutti i funghi cù e ghjire è l’alburi facenu festa.

Riassuntu C2

Riassuntu C2