Di vaghjime, in a furesta di Vizzavona, spuntanu millaie di funghi.
Accantu à a gara, ci stà un omu chjamatu Taviu. Tutti i ghjorni coglie funghi à sporte piene pè vendeli à u mercatu d’Aiacciu.
Addisperati i funghi vanu à chere aiutu ind’è a Signora di a furesta. Ella cunnosce tutti i sicreti di a natura. A Signora di a furesta ghjunghje ind’è Taviu è li dumanda di risparà i funghi. Taviu face arechje di marcante è cuntinueghja u so sterminu.
Si coglie i buletri ancu i più chjuchi.
A sera, piglia a frissoghja è si face una frittata tamanta ch’ellu si sciacca sana sana.
A notte, li vene una pena in corpu tremenda. Impauritu d’essesi avvilinatu chjama a Signora di a furesta.
Ella hà capitu chì Taviu hà solu un’indigestione è nanzu di guariscelu li face prumette d’ùn mai più coglie funghi. Taviu prumette è a Signora di a furesta li face beie una tisana d’arbigliule.
Risanatu, Taviu si ne volta in cità. A Signora di a furesta cù u canucciu, tutti i funghi, e ghjire è ancu l’alburi facenu festa.

RIASSUNTU C1

RIASSUNTU C1