Grammatica

Ciculu 3 (CM)
U cumplementu di u verbiu

Ogettivi :
 cunnosce u funziunamentu di a lingua
 ammaestra una struttura specifica di a lingua corsa ( verbii transitivi + prepusizione « à »)
 acquistà una cuscenza metalinguistica

Sbucinera :

Prima tappa : analisi di a frasa simplice
U maestru scrive à u tavulone e frase :
 A Signora di a furesta chjama u so cane.
A Signora di a furesta chjama à Taviu.

Face analizà a prima frasa : inguatrà u verbiu, sottulineà u sugettu d’un culore è u gruppu « u so cane » d’un antru culore. Stu gruppu hè u cumplementu d’ogettu direttu (C.O.D) di u verbiu « chjamà ». Hè un cumplementu essenziale ch’ùn pò cambià di piazza.
U maestru face analizà a seconda frasa. Dumanda à i zitelli ciò ch’elli rimarcanu in pettu à u C.O.D.
U C.O ;D « Taviu » hè intruduttu da a prepusizione « à », ciò chì hè una particularità di a lingua corsa è ch’ùn si ritrova micca in francese.

Prupone duie altre frase :
I funghi vanu à truvà a Signora di a furesta.
A Signora di a furesta va à truvà à Taviu.

Si face torna l’analisi di ste duie frase. Dopu u maestru prupone a regula :

Face rimarcà u maestru chì, in francese, u C.O.D ùn hè maì intruduttu da « à ».

Seconda tappa : eserciziu strutturale cullettivu
U maestru prupone una seria di verbii è per ogni verbiu prupostu scrive duie frase (una cù un C.O.D è una cù prepusizione « à » + C.O.D)

 Circà → U zitellu cerca a vitturuccia.
→ U zitellu cerca à Petru.

 Purtà → Aghju purtatu a valisgia.
→ Aghju purtatu à Babbu in Bastia.

 Cunnosce → A Signora di a furesta cunnosce i secreti di a furesta.
→ I funghi cunnoscenu à Taviu.

 Vede → Ai vistu u libru di lettura.
→ Ai vistu à Marcellu ;

 Truvà → Anu trovu a strada bona
→ Anu trovu à Paulu è Martinu.

 Travagliu individuale : ( Da vede a fiscia di u scularu )