Ogettivu :
 Cunnosce u funziunamentu di a lingua
 Purtà i zitelli à cunnosce e particularità funulogiche di a lingua corsa

Materiale :
 E parolle di u lessicu

Sbucinera :
U maestru dumanda à i zitelli di ritruvà e parolle di u racontu cù u sonu [tj] o cù l’intricciata « chj » : un vechju, chjamatu, a chjarina, una arechja, chjucu, techju, chjamà, una chjave .
E parolle sò scritte à u tavulone . Si classificheghjanu ste parolle segondu a piazza di l’intricciata « chj » nentr’à a parolla. Si scrive sottu à l’intricciata u so valore funeticu : [tj] o [dj].
Si face rimarcà chì ind’è a culonna induve « chj » hè nentru à a parolla, u so valore funeticu hè sempre [tj].
Ind’è l’altra culonna, l’intricciata « chj » hà dui valori, sia [tj] sia [dj]. Dunque, l’intricciata « chj » hè cambiarina solu quandu ch’ella hè à l’iniziale. Si custruisce u tavulellu di a cambiarina.

« chj »(à l’iniziale)

[tj]
Valoore forte
● Dopu à una cunsunale
Es : Un chjodu
● Dopu à l’aletta
Es : Trè chjave
Chì chjocca !
● Dopu à un puntu, una virgula, un aretta
Es : Chjamu à Petru
Un omu, chjamatu ...
U ciocciu dicia // chjodi, chjodi l’ochji.

[dj]
Valore debbule
● Dopu à una vucale
Es : Una chjave

U tavulellu hè scrittu nant à u quaternu di corsu.
Si prupone dopu un travagliu individuale , da vede a fiscia di u scularu.