Publicatu : 27 janvier 2007

Ortograffia

Ortograffia

Ciculu 3 (CM)
L’accordu nentru à u gruppu numinale

Ogettivu :
- Cunnosce u funziunamentu di a lingua
- Ammaestrà l’accordu nenrtru à u gruppu numinale

Materiale :
- A fiura Nu 7 (A3)

Sbucinera :

Prima tappa : travagliu à bocca
I zitelli osservanu a fiura.

A maestra dumanda : “Chì face Taviu ?” « Taviu manghja una frittata ».
« Cumu hè a frittata ? « A frittata hè cotta »

A maestra scrive tandu à u tavulone cambiendu di culore pè e finale di u gruppu numinale :
« Nantu à u tavulinu, ci hè una frittata cotta. ».
A maestra dumanda di fà rimarche .
U gruppu numinale « una frittata cotta » hè à u feminile singulare. L’agettivu « cotta » s’accorda cù u nome « frittata » è piglia a marca di u feminile singulare (a).

A maestra ripiglia a listessa dimarchjà per ottene a frasa
« Nantu à u tavulinu, ci hè un bichjeru pienu ».
Face truvà a marca di u maschile singulare (u) è tira avanti è tocca cù « i capelli rossi di Taviu » è cù « e sporte piene ».
Si ponu cupià sti quattru gruppi numinali nant’à un affissu chè ghjuverà di rafirenza.

Seconda tappa : Eserciziu strutturale scrittu
A maestra prupone un coppiu Nome / Agettivu è dumanda à i zitelli di scrive u gruppu numinale sia à u singulare sia à u plurale.

(Vittura , Rossu) [sing]→ a vittura rossa
(Zitellu, bravu) [plur]→ i zitelli bravi
(Mina, turchinu) [sing]→ a mina turchina
(Arburu, vechju) [sing]→ un arburu vechju
(libru, novu) [plur]→ i libri novi
(fungu, allegru) [plur]→ i funghi allegri

Travagliu individuale : (Da vede a fiscia di u scularu)

Word - 27.5 ko
ortograffia C3

PDF - 13 ko
ortograffia C3

Word - 32.5 ko
ortograffia fiscia

PDF - 4.9 ko
ortograffia fiscia