Ortograffia

Ogettivi :
 Piglià cuscenza di u singulare è di u plurale di certi nomi :
a---e
u---i

Materiale :
 Seconda fiura di u racontu (A3)
 Fiure chjuche di i nomi scelti (fisce materiale ortograffia)
 2 scatule
 1 tavulone

Sbucinera :
 Ripiglià e dumande nant’à e fiure pè verificà u lessicu acquistatu (da vede fiscia nant’à a capiscera di u racontu).
 Distribuisce e fiure cù i dissegni è i nomi sottu (a muntagna , e muntagne, l’arburu ,l’arburi, u fungu , i funghi, l omu , l’omi, a strada, e strade, a sporta, e sporte, a fronda, e fronde, a furesta, e fureste, a baretta, e barette, a vesta, e veste, u scarpu, i scarpi, a pianta, e piante) .
Ogni zitellu riceve una fiura mentre chì u maestru tene ellu duie fiure : u fungu , i funghi.

 A maestra cumencia , face vede à so prima fiura è dice :
« Eiu , aghju a fiura di « u fungu » . A mettu quì (incolla a fiura nant’à una scatula) .
Aghju dinù a fiura di « i funghi » . A mettu quì ( incolla a fiura nant’à l’altra scatula) . »

 Sì dumanda à ogni zitellu di mette à so fiura nentru à a scatula chì cunvene.
Quandu tutti l’anu messa , si verificheghje a scelta. A maestra mette e fiure di a scatula 1 (singulare) nant’à u tavulone è dumande à i zitelli di fà dui gruppi : una cantara per u « U » è sottu una cantara per u « A » .
A maestra face à listessa cosa per a seconda scatula (plurale) cù e cantare « I » è « e ».

A maestra face mette di fronte e fiure chì vanu inseme è face piglià cuscenza di e finale di i nomi .

 Travagliu individuale : ( Da vede a fiscia di u scularu )