Ghjallinetta rossa

Ghjallinetta rossa hà trè piulelli. Hà dinù trè amichi : Anatra, ghjattinu è purchettu. Un ghjornu, Ghjallinetta rossa trova qualchi granelle.

Ella dumanda à i so trè amichi d’aiutà la à pone e granelle. Purchettu, Anatra è Ghjattinu dicenu di nò. Allora Ghjallinetta rossa hà postu e granelle à da per ella.

Dopu, Ghjallinetta rossa dumanda à i so trè amichi d’aiutalla à sigà u granu. Purchettu, Anatra è ghjattinu dicenu di nò. Allora Ghjallinetta rossa hà sigatu u granu da per ella.

Dopu, Ghjallinetta rossa dumanda à i so trè amichi d’aiutalla à tribbià u granu. Purchettu, Anatra è ghjattinu dicenu di nò. Allora Ghjallinetta rossa hà tribbiatu u granu da per ella.

Dopu, Ghjallinetta rossa dumanda à i so trè amichi d’aiutalla à macinà u granu. Purchettu, Anatra è ghjattinu dicenu di nò. Allora Ghjallinetta rossa hà macinatu u granu da per ella.

Dopu, Ghjallinetta rossa dumanda à i so trè amichi d’aiutalla à impastà u pane. Purchettu, Anatra è ghjattinu dicenu di nò. Allora Ghjallinetta rossa hà impastatu u pane da per ella.

Dopu, Ghjallinetta rossa dumanda à i so trè amichi d’aiutalla à manghjà u pane. Tandu Purchettu, Anatra è ghjattinu dicenu di sì. Mà Ghjallinetta rossa dice : « A nò ! L’avemu da manghjà i mo trè piulelli ed’eiu.

fisce à telecaricà.