Ogettivu :
 Piglià cuscenza di l’incalcu di e parolle

Materiale :
 Fiure di u lessicu

Sbucinera : U maestru face vede fiure chì raprisentanu parolle di lessicu cunnisciute. Ogni parolla detta serà ripetuta di modu currettu stacchendu e sillabe è insistendu nant’à l’incalcu po scritta à u tavulone.
Si sceglie tandu cù i zitelli un segnu per materializà a sillaba incalcata.
U maestru dumanda à i zitelli di truvà una manera di classificà ste parolle segondu a piazza di l’incalcu.
Si sbocca nant’à a definizione di parolle mozze, parolle lisce è parolle sguillule .
Si compie fendu u riassuntu da tene à mente : hè scrittu à u tavulone è i zitelli u copianu nantu à u quaternu di corsu .