Ogettivu : Esse capace di cuuperà per vince inseme contra un adversariu cumunu.

Materiale :
 1 Fiura di u lupu chì serà ingrandata è appiccicata à mezu à a pista di ghjocu.
 1 fiura di lupu scumpartuta in 9 pezzi da frastaglià è plastificà.
 1 fiura di furesta chì deve esse ingrandata in A3
 4 ogetti chì ghjovanu di spurtelli (scatuluccie)
 4 fiure di l’elementu « butiru » da incullà nant’à a carta sticchita
 4 fiure di l’elementu « biscottu » da incullà nant’à a carta sticchita
 4 fiure di l’elementu « vasettu di cunfittura » da incullà nant’à a carta sticchita
 1 mudellu da custruisce un piripì nant’à a carta sticchita

Presentazione di u ghjocu : Stu ghjocu hè una adattazione di u ghjocu « La corneille et le verger » (da vede u cartulare « Pédagogie du conte » per avè a riferenza). Quì hè u lupu chì rimpiazza a curnachja. U lupu hè disignatu nentru à u quatru di 18 X 18 cm à mezu à a pista di ghjocu chì hè di forma A3 è chì riprisenta a furesta. Ponu ghjucà 4 ghjucadori à tempu. Ognunu hà à u principiu di u ghjocu un spurtellucciu viotu.U so scopu hè d’aiutà à Cappuccinella Rossa à francassi di u lupu. Ogni zitellu, quand’ellu tocca à ellu, deve lampà un piripì maiò chì hà quattru lati cù una gumetta rossa è dui cù una gumetta nera ? Quand’ellu casca nant’à una gumetta rossa, hè ben intesu à favore di Cappuccinella Rossa è nant’à una gumetta nera, à favore di u lupu. Nant’à a pista di ghjocu, à principiu ci hè 4 pezzi di butiru, 4 vasetti di cunfittura è 4 biscotti d’una parte è di l’altru 9 pezzi d’in incastru (« puzzle ») chì ponu ricustituisce u disegnu di u lupu prisente à meza pista. Prova u lupu à ricustituiscesi cù i pezzi di l’incastru . I zitelli provanu à riempie i so spurtelli cù i trè elementi chì Cappuccinella Rossa deve purtà à a mammone. I quattru spurtelli devenu esse pieni nanzu chì u lupu sia ricustituitu. Tandu anu vintu i zitelli. Unu appressu à l’altru, i zitelli lampanu u piripì. Quand’un zitellu casca nant’à una gumetta nera, un pezzu di l’incastru hè postu in u quatru centrale. S’ellu casca nant’à una gumetta rossa, u zitellu piglia un elementu è u mette in unu di i spurtelli .

Furesta

Incastru

Lupu

Piripi

Sporta

Ghjocu

Ghjocu