Publicatu : 12 janvier 2007

Spressione è cumunicazione pè ciculu 3 : i cuntrasti

Spressione è cumunicazione

I CUNTRASTI

Nivellu : Ciculi 1, 2 è 3

Ogettivi :
- Purtà i zitelli à avè una spressione linda
- Favurizà a memurizazione da permette di rinvestisce strutture è lessicu

Materiale
- E fiure chì currispondenu à i cuntrasti pruposti.

Sbucinera

Tappa 1 : U maestru prupone a fiura chì currisponde à u cuntrastu sceltu. (esempiu : a fiura 2 currisponde à u cuntrastu trà Cappuccinella Rossa è a mamma). U maestru prupone e frase di u cuntrastu di modu teatrinu. Ripiglia dopu ogni frasa è a face ripete di manera cullettiva po individuale.

Tappa 2 : U maestru sceglie dui zitelli per falli dì a scenetta (si pò ghjuvà u maestru di mariunette à u ciculu 1)

Fiure Ciculu III
2 Mamma : Cappuccinella rossa, veni quì, per piacè !
Cappuccinella Rossa : Chì c’hé o Mà ?
Mamma : Mammone hé malata. Ci vole à purtalli sta micchituccia e stu vasettu di butiru.
Cappuccinella Rossa : Vulenteri, o Mà !
Mamma : A cunnosci a strada ?
Cappuccinella Rossa : Iè, o Mà, a cunnoscu.
Mamma : Allora, fila a to strada è un parla cù nimu, soprattuttu s’è tù scontri u lupu.
Cappuccinella Rossa : Iè, o Mà ! Un parlaraghju cù nisunu.
4 U lupu : Bonghjornu, Cappuccinella Rossa !
Cappuccinella Rossa : Bonghjornu, o sgiò lupu !
U lupu : Chì ai indè u to spurtellu ?
Cappuccinella Rossa : Aghju una micchetta è un vasettu di butiru.
U lupu : E, induve vai ?
Cappuccinella Rossa : Vò à vede à a mo mammone, hè malata.
U lupu : Induve stà mammatone ?
Cappuccinella Rossa : Indè una casuccia, al dilà di a furesta.
U lupu : Voli fà una corsa incù mè fin’à a casa di a to mammone ?
Cappuccinella Rossa : Innò, o sgiò lupu. Mi ne vò pianu pianu.
6 A mammone : Quale hè chì pichja cusì ?
U lupu : Sò eiu, a vostra figliulina, Cappuccinella Rossa ! Vi portu una micchetta fresca fresca, è un vasettu di butiru, o mammò.
A Mammona : Cume sò felice a mo figliullella, ma un possu arrizzami chì sò malata.
U lupu : Cumu aghju da fà per entre ò Mammò ?
A mammone : Un ti ne fà, stami à sente : tira a funicella, a vulella cascherà è a porta s’aprerà !
U lupu : U,U,U t’aghju da manghjà !
A mammone : Aiutu, aiutu, chì u lupu mi vole manghjà ! Lascia mi corre, o gattivò, chì sò vechja è malata, sò pocu gustosa è pocu grassa !
U lupu : Chì po fà ? Sì ghjustu un apperitivu, a to figliulina serà un pranzu più tenneru !
10 Cappuccinella Rossa hè dananzu à a casarella di mammone, pichja à l’usciu. U lupu, una scufia in capu,hè nentru à u lettu.
U lupu (incu una vuciarella) : Quale hè ?
Cappuccinella Rossa : So eiu, a vostra figliulina, a vostra Cappuccinella Rossa.
U lupu : Tira a funicella, a vulella cascherà è a porta s’aprerà ! Cappuccinella Rossa entre è s’avvicina à u lettu.
Cappuccinella Rossa : O Mammò, tamanti ochji chì vo avete !
U lupu : Sò per vedeti megliu, a mo figliuluccia !
Cappuccinella Rossa : O Mammò, tamante arechje chì vo avete !
U lupu : Sò per senteti megliu, a mo figliulella !
Cappuccinella Rossa : O Mammò, chì brace tamante !
U lupu : Sò per megliu abracciatti a mo figliulella !
Cappuccinella Rossa : O Mammò, chì dentoni !
U lupu : Sò per manghjatti megliu, o niscentrò.
Word - 39 ko
Spressione è cumunicazione c3
PDF - 10.5 ko
Spressione è cumunicazione c3