Ogettivi :
 Cunnosce e funzione di l’essari vivi : l’apparechju digestivu
 Leghje un ducumentu scientificu.

Materiale :
 Schema di l’apparechju digestivu.

Sbucinera :
 1°tappa : U maestru dumanda à i zitelli di fà un dissegnu di l’apparechju digestivu.
Si pò dà à i zitelli una fiscia cù u schema di u corpu umanu e dumandà di fà u dissegnu nant’à sta fiscia.
Dopu, si mettenu e pruduzzione di i zitelli à u tavulone e si fideghja qualesse sò e cunniscenze di i zitelli per ciò chì tocca à u lessicu è soprattuttu per ciò chì tocca à e so riprisentazione mentale di a funzione digestiva.
 2° tappa :
Tutte e pruposte sò o ùn sò valitate per sbuccà nant’à una sintesi à bocca.
A maestra face vede un schema messu in affissu à u tavulone. Nant’à stu schema sò purtate e parolle di u lessicu specificu di l’apparechju digestivu.
 Ripiglia e sfarente tappe di a digestione :
 In bocca, l’alimenti sò mastucati è intinti da a saliva : hè u principiu di a digestione.
 L’alimenti passanu dopu inde u stomacu pè via di u ghjargastrolu.
 Inde u stomacu, l’alimenti sò imbulighjati è turnati in una pappina acida da u suchju gastricu pruduttu da e ghjandule di u stomacu.
 Ind’è e stintine, si compie a digestione per via di trè suchji digestivi : u fele chì vene da u fegatu, u suchju pancreaticu esciutu da u pancreà è u suchju di u stintinu.
 Tandu, a nutritura hè un liquidu bianchicciu chì cuntene l’alimenti digeriti chì francanu e late di u stintinu è passanu inde u sangue.
 Tuttu ciò chì ferma passa pè u stintinu maiò è esce da l’anu.

A maestra face ripete da dui o trè zitelli u cuntenutu quì sopra po li dà una fiscia individuale da incullà nant’à i so quaterni.

Esercizii individuale : da vede a fiscia di u scularu.

A digestione

A digestione