Publicatu : 27 janvier 2007

Lessicu

Lessicu

Ogettivu :
- Acquistà e parolle di u racontu

Materiale :
- Disegni chì raprisentanu e parolle da studià. Sti disegni puderanu esse incullati nant’à a carta di Bristol o plastificati da pudè esse manighjati.

Ciculu III
U larice
U faiu
U liccinu
U ghjallistorzu
U paracqua
U scupinu
U culumbellu
A ghjallina
U falzu buletru
A chjarina
Scioglie
Risparà
Fà arechje di marcante
Sciacassi
Guarisce
Hè cuccagna

Sbucinera :

- Travagliu cullettivu :
U maestru face vede un disegnu è dumanda à i zitelli di dì a parolla chì currisponde. S’elli ùn la cunnoscenu micca, ghjè u maestru chì a dice . Ogni parolla serà ripetuta di modu cullettivu po individuale.
Si pruponenu dopu ghjochi da fà mimurizà u lessicu :
- Ghjocu di Kim : si face vede una seria di disegni da falli mimurizà à i zitelli po si piatta unu di sti disegni. I zitelli devenu truvà u qualessu chì manca.
- A china maghjina
- Ghjocu di memory

- Travagliu individuale : (Da vede a fiscia di u scularu)

Allarghera lessicale

Ogettivu :
- Cunnosce l’adopru di a suffissera ( un sminutivu)

Sbucinera :
- Travagliu cullettivu :
Si partenu di e duie parolle di u racontu : A casuccia è u canucciu.
U maestru dumanda : « Chì ghjè una casuccia ? ».
I zitelli rispondenu : « Hè una casa chjuca ».
Si face listessu travagliu cù a parolla « canucciu ».
U maestru scrive e parolle « casuccia » è « canucciu » stacchendu a radica di u suffissu :

Cas / uccia Can / ucciu

Si face un eserciziu strutturale à bocca :
- Maestru : chì ghjè un libru chjucu ?
- Zitelli : un librucciu

Si cuntinueghja cù e parolle :

zitellu / zitellucciu ,
Zitella / zitelluccia
Un arburu / un arburucciu
Un fungu / un fungucciu
Una vittura / una vitturuccia
Un scarpu / un scarpucciu
Un lettu / un lettucciu
Un battellu / un battellucciu
Un cappellu / un cappellucciu

- Travagliu individuale : ( Da vede a fiscia di u scularu )

Word - 28 ko
Lèssicu C3

PDF - 5.3 ko
lèssicu C3

Word - 67 ko
Lessicu c3 fiscia

PDF - 20.6 ko
Lèssicu c3 fiscia

Word - 25.5 ko
Allarghera lessicale

PDF - 5.6 ko
Allarghera lessicale

Word - 21 ko
Allarghera lessicale fiscia

PDF - 10.9 ko
Allarghera lessicale fiscia