Publicatu : 13 janvier 2007

Filastrocca

Amparera di una filastrocca

Ogettivu :
Esse capace di dì di modu currettu una filastrocca.

Materiale :
Tichette cù un cappuccinu neru, un cappuccinu giallu, un cappuccinu verde, un cappuccinu rossu, una strega, una ghjallina, un tupichjulu, Cappuccinella Rossa.
A filastrocca nantu à un affissu (prisentata solu quandu chì a filastrocca hè sappiuta bè da tutti).

Cappuccini

Cappuccinu neru
Di a stregarella
Cappuccinu giallu
Di a ghjallinella
Cappuccinu verde
Di a tuparella
Cappuccinu rossu
Di cappuccinella.

Sbucinera :
U maestru dice a filastrocca. Face capisce u sensu generale cù l’appoghju di e tichette.
Dopu, u maestru dice u primu filare. U face ripete di modu cullettivu po individuale.
U maestru dice u secondu filare è u face ripete.
U maestru dice i dui primi filari è i face ripete.
È tira avanti è tocca cù i terzu è quartu filari, cù i quintu è sestu filari è infine cù i settimu è l’ottimu.
Per compie, u maestru ripiglia i quattru primi filari po i quattru chì compienu a filastrocca. Po face dì a filastrocca sana da 4 zitelli, da 2 zitelli o da un zitellu solu.
A filastrocca hè cupiata nantu à u quaternu di puesie è illustrata.

Filastrocche

1. Tamant’ochji !
Chì uchjoni !
È ‘ss’ arechje !
Sò tamante !
Chì braccioni !
Chì dentoni !
Ùn sò micca di mammone !

2. Di l’uchjoni è l’arechjoni,
Parla puru, parla puru
Di i so bracce tamanti,
Parla puru, parla puru
Ma di i denti di Mammone
Forse hè megliu d’ùn parlà !

3. Funa, funa, funicella
Entrite o madamicella
Tira quì, tira quà
A vulella cascherà
È a porta s’aprerà.

Word - 32.5 ko
Filastrocca C2
PDF - 70.5 ko
Filastrocca c2